Álvaro Cunqueiro (1911-1981) reúne, en dous DVD singulares e diversos materiais da vida e obra do escritor de Mondoñedo. O primeiro DVD recolle unha entrevista en galego con don Álvaro feita dous meses antes da súa morte. O segundo reúne reportaxes realizados (con intervención de numerosos especialistas na obra cunqueiriana) no Día das Letras Galegas de 1991 dedicado ao autor nas súas dimensións de poeta, narrador, xornalista e dramaturgo. Todo o material foi remasterizado por Servimar, da USC.