A figura do polifacético intelectual que foi Vicente Risco ten no ámbito da literatura narrativa un dos seus mellores perfís. Máis concretamente, O porco de pé (Ed. Nós, 1928), única novela do escritor, está hoxe considerada como a porta á modernidade da nosa novelística. A análise dalgunhas das máis definitorias claves da cosmovisión desta obra dedica os seus esforzos interpretativos a autora deste ensaio curto, Alva Martínez Teixeiro, gañadora do premio Centro Ramón Piñeiro na súa IV convocatoria.