Este libro é froito dun labor de investigación de máis de dez anos que levou adiante o Consello de Europa e que agora ve a luz en tradución á lingua galega; é dicir, nunha lingua utilizada no espazo europeo, que non pode ser allea ás políticas lingüísticas de integración promovidas polo Marco europeo para desenvolver e revitalizar o plurilingüismo (e, porén, o multiculturalismo) dos cidadáns europeos. Esta versión galega do Marco ten que servir de base para futuros proxectos ao tempo que contribúe á modernización da formación lingüística dos adultos como fonte de consulta para a aprendizaxe do idioma. Docentes de toda Europa traballaron dende 1971 para elaborar e perfeccionar este proxecto.