A ampla tarefa hemerográfica de Eladio Rodríguez González deu abondosos froitos, pero un deles foi singular: a escolma de literatura galega -verso e prosa narrativa- que foi ofrecendo no xornal coruñés “El Noroeste”, no bienio 1918-1919, nun suplemento semanal de sinxelas páxinas galegas. O panorama hemerográfico da época, a análise da xeira de “El Noroeste” e o detido estudio do suplementos “Nós” (temas, xéneros, autores representados, seccións e diferentes trazos externos da publicación) enriquecen a reproducción facsimilar dende distintos enfoques e contextos. Engádense finalmente os índices cronolóxico e dos colaboradores para, deste xeito, facilitar a consulta das súas páxinas.