Esta publicación dispón por primeira vez do conxunto de toda a producción lírica galego- portuguesa de carácter profano (cerca de 1.700 composicións). Seguindo a ordenación feita por Giuseppe Tavani no seu “Repertorio Metrico della lirica galego-portoghese (1967)”, preséntanse dispostos alfabéticamente tanto os trobadores coma, dentro da producción de cada un deles, as cantigas segundo o verso de incipit. Ofrécese a biografía de cada un dos 155 trobadores de nome coñecido, con información bibliográfica actualizada. Para cada cantiga escolleuse a edición considerada máis fiable, tras cotexala con outras edicións e cos facsímiles dos Cancioneiros. Cada unha delas vai acompañada de bibliografía específica, información relativa á modalidade compositiva, ó xénero, á súa localización nos manuscritos, ó esquema métrico e de rimas, etc. Tamén se ofrece unha proposta global de división en xéneros atendendo a motivos temáticos.